Artieda ye un lugar en o pirineo Aragones, que ye luitando dende fa decadas contra o pantano de Yesa. Dende que se creyó iste pantano, en a decada d’os anyos 20 (sieglo XX),  se va veyer como ixa  esferra feba migrar as chens, y amortar lugars. Dimpués, en  1985, a esferra tornó a ista parti d’o Pirineo, pero ista vegada como “recrecimiento d’o Pantano de Yesa”.

De fer-se iste prochecto; nos trovaríamos con istas consecuencias:

- Disaparixión de Artieda y Mianos al afogar as suyas tierras cultivables.

- Desintegración social d’a Canal de Berdún, y d’a val d’ Escá.

- Se afogaría gran parti d’a Foz de Sigües, protechida por a Diputacion Cheneral d’ Aragón.

- Riesgo de que a presa se estricalle, ya que se afogaría un biello desprendimiento de ladera sobre que reposa l’estribo d’a cucha d’a presa; lo que fería aumentar as probabilidatz de que ista presa se estricallara.

- Afogar un importantismo patrimonio cultural y istorico como ye o Camin de San Chaime, antiparti d’os paisaches d’ista parti d’ Aragón.